Rruga e Batrrës deri tek ura shumë shpejt me asfalt

Pas asfaltimit të rrugës së Bushkashit, një tjetër rrugë fshati do të asfaltohet brenda pak muajsh. Prej ditësh ka nisur puna për sistemim asfaltimin e segmentit rrugor nga Varrezat e qytetit deri tek ura e Batrrës së Vogël. Për të parë nga afër ecurinë e punimeve ishte këtë të enjte Kryetari i Bashkisë Mat Agron Malaj. Sipas Malajt, ky investim do të përfshijë jo vetëm asfaltimin e lotit të parë të kësaj rruge por edhe trotuare e ndriçim pasi përdoret shumë nga banorët e qytetit të Burrelit për ecje gjatë pasditeve. Po ashtu, kryebashkiaku Malaj u shpreh se në të tjerë fshatra do të nisë puna për asfaltimin e rrugëve.

Kjo rrugë ka qenë shumë problematike për shkak të terrenit malor në të cilin është një pjesë e saj, ndërsa asfaltimi pritet ta zgjidhë përfundimisht problemin.