Operatori i Shpërndarjes së Energjisë Elektrike në Burrel ka bërë të mundur mbrëmjen e djeshme zëvendësimin e transformatorit në fshatin Zenisht të Njësisë Administrative Lis, i cili u vodh nga persona ende të paidentifikuar.
Transformatori ishte çmontuar i gjithi duke marrë prej tij gjithë pajisjet e brendshme si dhe rreth 80 litra vaj.
Pre e vjedhjes një ditë më parë ranë dy transformator në fshatin Zenisht, ndërsa pak javë më parë është vjedhur edhe transformatori i fshatit Batërr e Vogël.
Për këto raste, policia ende nuk ka asnjë autor të dyshuar të këtyre ngjarjeve.