Në bashkinë e Matit vitet e fundit janë kryer investime të ndryshme infrastrukturore, që kanë përmirësuar jetën e qytetarëve të qytetit verior.
Kryeministri Edi Rama ndau sot pamje nga sheshi “Kastriotët” në bashkinë e Matit, i cili pas rikonstruksionit ka pësuar një ndryshim të madh.
“Mirëmëngjes dhe me qetësinë e sheshit “Kastriotët” në Matin që rilind hap pas hapi, ju uroj një të diel të paqtë”, thekson Rama.
Sheshi “Kastriotët”, para godinës së bashkisë Mat ka marrë tjetër pamje, të veçantë, falë investimit të kryer nga bashkia.
Në shesh janë vendosur pllaka mermeri, stola, trotuare, pllaka prej guri autokton, etj.