Kreu i partisë Lega Nord, Matteo Salvini është treguar shumë i ashpër me Bashkimin Europian, duke rihedhur në tryezë idenë e largimit të Italisë nga Bashkimi Europian. Salvini, madje shkon edhe më tej, teksa propozon edhe një shkëmbim mes dy vendeve, të dalë Italia nga BE dhe të futet Shqipëria, me këtë të fundit që po “lufton” për një vend në këtë union. Ky reagim është bërë që në vitin 2014, por është ripostuar, pas gjestit të Shqipërisë, e cila dërgoi 30 mjekë dhe infermierë për të përballuar së bashku betejën me koronavirusin.
