![](https://mattv.al/wp-content/uploads/2024/06/euro2024_mati_1x1-1-scaled.jpg)
Policia e Shtetit njoftoi mëngjesin e sotëm se ka goditur 11 raste të reja të krimeve mjedisore në Qarkun Dibër, duke proceduar penalisht 11 persona.
Nga 11 të proceduarit, 6 prej tyre akuzohen për ndërtime pa leje, ndërsa 5 të tjerë janë kapur duke transportuar lëndë drusore pa dokumentacionin përkatës.
Tetë prej të proceduarve janë banues në Dibër, dy në Bulqizë dhe një në Mat.
![Fotografia e Policia e Shtetit](https://scontent.ftia12-1.fna.fbcdn.net/v/t1.0-9/119962997_2865467100406309_4372422991607507628_n.jpg?_nc_cat=107&_nc_sid=9e2e56&_nc_ohc=-kOae50Itk0AX97Chi3&_nc_ht=scontent.ftia12-1.fna&oh=613fbb09a04fc74dbd698cac800d2983&oe=5F8E113F)
Njoftimi i policisë:
Dibër / Bulqizë / Mat
Vijon zbatimi i planit të masave për parandalimin dhe goditjen e krimeve mjedisore.
Evidentohen dhe goditen nga Policia, 11 raste të krimeve mjedisore, dhe procedohen penalisht 11 shtetas.
Sekuestrohet rreth 25 metër kub lëndë drusore dhe 5 automjete që shërbenin për transportim.
Strukturat e DVP Dibër, në zbatim të planit të masave për parandalimin dhe goditjen e krimeve mjedisore dhe si rezultat i kontrollit të pandërprerë të territorit , gjatë 20 ditëve të para të muajit Shtator, kanë evidentuar dhe goditur 11 raste, ku janë proceduar penalisht në gjendje të lirë shtetasit:
V. C., B. S., B. G., N. C., K. M., banues në Dibër, dhe F. M., banues në Mat, pasi janë konstatuar nga shërbimet e Policisë duke ndërtuar objekte, pa lejen e organeve përkatëse.
Gjithashtu ka filluar procedimi penal për shtetasit :
B. XH., G. N., banues në Bulqizë; L. L., XH. F., SH. B., banues në Dibër, pasi janë kapur nga Policia duke transportuar lëndë drusore, pa dokumentacionet përkatëse.
Materialet procedurale në ngarkim të shtetasve të lartëpërmendur i kaluan Prokurorisë Dibër dhe Mat për veprat penale “Ndërtim i paligjshëm”, dhe “Prerje e paligjshme e pyjeve”.
Policia e Dibrës do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.