Me një situatë të pazakontë po përballen vitet e fundit banorët e fshatit Shtushaj në Njësinë Administrative Shupenzë në Bashkinë e Bulqizës. Qentë që ata i mbajnë në shtëpi, po ju ngrodhin në mënyrë të çuditshme. Banorët tregojnë se sa herë i lëshojnë qentë shtëpiakë, i gjejnë të ngordhur në ara apo rrugë. Prej 8 vitesh ky fenomen është prezent në këtë fshat sa në ditët e fundit numri i qenve që kanë banorët është vetëm tre. Ata tregojnë se sapo qenin e lëshojnë gjatë natës apo kur largohet vetë nga shtëpia, i gjejnë të ngordhur. Rastet e fundit kanë qenë të çuditshme teksa qent dridheshin në momentet e fundit të jetës. Banorët kërkojnë që policia të hetojë ngjarjen dhe të vërë para drejtësisë autorin apo autorët e helmimit të qenëve. Frika më e madhe për banorët është se mos fëmijët biejnë në kontakt me helmet që vendosen vend e pa vend.

 Vetë banorët nuk kanë ndonjë person të dyshuar, ndërsa dyshojnë se kjo mund të bëhet për qëllime të veçanta siç mund të jenë planifiket për vjedhje banesash dhe bagëtish.

Luhatjet e shpeshta të temperaturave kanë bërë që të ketë një shtim të lehtë të rasteve të fëmijëve të prekur nga rrugët respiratore në Mat. mjekja pediatre pranë spitalit “Xhavit Mara” në Burrel, Marsida Kurti tha se situata është brenda normales dhe se deri tani kanë qenë 10 – 15 raste në 24 orë, çka nuk e bën situatën shqetësuese dhe të papërballueshme nga ana e repartit të pediatrisë.

Nga ana tjetër mjekja pediatre Marsida Kurti tha se me nisjen zyrtarisht të sezonit të luleve, nisin edhe alergjitë. Por në disa raste mund të ketë mbivendosje të simptomave, gjë të cilën mund ta dallojë vetëm mjeku specialist.

Mjekja pediatre pranë Spitalit Bashkiak Mat, Marsida Kurti këshillon që të bëhet kujdes në kohën e ekspozimit në vende ku është mundësia e prekjes nga alergjitë.

  Familja Kola, nga fshati Shkopet i Bashkisë Kurbin, prej 5 vitesh është në pritje të ndërtimit të banesës së tyre pas dy fatkeqësive që kaluan. Herën e parë banesa e tyre u dëmtua nga tërmeti i 26 Nëntorit të vitit 2019, ndërsa më pas ajo u përfshi nga flakët. Dy bashkëshortët e kësaj familjeje, Gjergj e Dile Kola thonë se prej 5 vitesh po sorollaten sa në një ambjent në një tjetër, ndërsa shtëpia që ka nisur tju ndërtohet me fondet e tërmetit ende nuk ka përfunduar. Gjergji tregon se në kontaktet që ka patur me pushtetin vendor në Kurbin i është thënë që vitin e ri do ta kalonte në banesën e re, por kjo gjë nuk ndodhi e tashmë kanë kaluar më shumë se tre muaj.

Ndërsa e zonja e shtëpisë, Dile Kola thotë se vuan nga një sërë sëmundjesh, duke jetuar në ambjente të papërshtatshme. Ajo iu bën apel institucioneve që punën e nisur ta përfundojnë sa më parë.

Për shkak të dëmtimit të banesës një pjesë e familjes janë zhvendosur me qera në Milot e Laç, ndërsa presin përfundimin e shtëpisë së re për tu rikthyer aty.

  Të gjesh vetëm të moshuar në fshatrat e Qarkut Dibër tashmë është kthyer në diçka normale pas braktisjes masive që ju është bërë jo vetëm nga të rinjtë por edhe banorë të tjerë. Në Maqellarë, takojmë Pëllumb Gjonin, i cili është i vetëm në hapsirën mes banesave të braktisura. 79-vjeçari është skeptik për ata të cilët janë larguar ndër vite që do të rikthehen një ditë. Sipas Pëllumbit, shkaqet e largimit të tyre janë të qarta nga mungesa e ndërtimit të jetës këtu, në çmimet e larta e deri tek mosrritja e pensioneve për të përballuar jetesën.

  Nga ana tjetër, 79-vjeçari Pëllumb Gjoni thotë se dikur lagjja e tij kishte mbi 400 banorë, ndërsa sot nuk kanë mbetur më shumë se 20% e tyre, ku dhe ato janë të gjithë të moshuar.

  Mulliri me ujë i “Allamanit”, në fshatin Skënderaj të Njësisë administrative Suç në Bashkinë e Klosit, është ndër të paktët në llojin e tij që është ende në gjendje funksionale. Që prej vitit 90-të, në këtë mulli, thotë administratori i tij, Hashimi, kanë bluar drithëra banorët e Matit, që nga Derjani e deri në Gurë të Bardhë, por prej të paktën 6 muajsh ky mulli bloje nuk është vënë në punë nga mungesa e ujit, duke u kthyer në realike.

Por për pronarin e këtij mulliri, Hashim Allamani, problem mbetet furnizimi me ujë i tij, për shkak se kanali i cili shërben edhe për vaditje nuk sjellë sasinë e majftueshme të presionit të ujit, që ai të punojë.

Vetë Hashimi Allamani kërkon mbështetjen e pushtetit vendor në mënyrë që ta vendosë mullirin që administron në punë, gjë që përkthehet edhe në të ardhura ekonomike për familjen e tij dhe fermerët e zonës.