Që prej hapjes për qarkullim të tunelit të Murrizit asnjë përkujdesje nuk është treguar ndaj bypassit. Segmenti nga hyrja e tunelit deri në anën tjetër të fshatit Bastar Murrize është lënë totalisht në mëshirë të fatit, ku dhe ka nisur degradimi i tij.

Në anën e fshatit Xibër – Murrize të Bashkisë Klos ka rënie të vazhdueshme të gurëve por askush nuk i heq për shkak se rruga nuk përdoret më si para 14 Marsit të këtij viti.

Mungesa e mirëmbajtjes së kanaleve kulluese anësore bën që uji të rrjedhë përmes asfaltit dhe nga shpati i malit të shemben gurë.

Ndërkohë, banorët që jetojnë në zonë kërkojnë që ky aks të mirëmbahet jo vetëm se mund të jetë i domosdoshëm në raste emergjente brenda tunelit, por edhe sepse ai i shërben fshatit, por jo vetëm.

Në periudhën pranverë – vjeshtë, zona e Qaf Murrizit frekuentohet në maksimum nga vizitor vendas e të huaj të cilët shijojnë bukuritë natyrore të zonës, por nëse rruga nuk do të mirëmbahet, atëherë sipas banorëve do të bie edhe interesi i turistëve.

  Edhe këtë të shtunë vendi ynë është përfshirë nga mot i paqëndrueshëm duke sjellë reshje të dendura shiu në zonën verilindore. Ndërkohë, në zonat malore mbi 1 mijë metra mbi nivelin e detit pati edhe reshje breshëri.

Reshjet e breshërit përfshinë një pjesë të fshatit Xibër – Murrize në Bashkinë e Klosit ku zgjatën për disa minuta. Banorë të zonës thanë jashtë kameras se reshjet e ditës së shtunë kanë shkaktuar dëme në pemtari për shkak se ishin në formë rrebeshi.

Siç duket nga pamjet, reshjet ishin në pjesën jugore të fshatit deri në Qafën e Murrizit. Për shkak të lartësisë mbi nivelin e detit kjo zonë përfshihet vazhdimisht nga reshjet e breshërit, ndërsa vitin e kaluar, banorëve ju dëmtuan të gjitha prodhimet për shkak të sasisë së madhe të breshërit të rënë.

Ndërkohë, sinoptikanët parashikojnë që kushtet atmosferike do të vijnë nëpërmirësin që prej ditës së dielë, me rritjen e temperaturave të cilat do të kapin vlerën minimale mbrëmjen e sotme 6 gradë Celsius.

   Shërbimet e Komisariatit të Policisë Kufitare, Dibër, kanë bërë të mundur goditjen e një rasti të tentativës për të kontrabanduar në Shqipëri, mallra për të cilat paguhet akcizë.

Shërbimet e Policisë Kufitare Bllatë, në hyrje të vendit tonë, kanë ndaluar për kontroll automjetin tip “Benz”, me drejtues shtetasin P. Ç, në të cilin u gjetën 17 bidonë të mbushur me 412 litra benzinë dhe naftë, që ky shtetas po tentonte t’i fuste në vendin tonë, pa i deklaruar.    

Sasia e karburantit u sekuestrua në cilësinë e provës materiale, bashku me automjetin, ndërsa drejtuesi i tij, shtetasi P. Ç., 54 vjeç, banues në Tiranë, u arrestua në flagrancë për veprën penale “Kontrabandë me mallra që paguhet akcizë”. 

Ndërkohë shteti fqinj i Maqedonisë së Veriut frekuentohet thuajse nga pjesa më e madhe e dibranëve dhe bulqizakëve për tu furnizuar me karburante për shkak të çmimit shumë të ulët që kanë matanë kufirit hidrokarburet në krahasim me vendin tonë.

Raste të tentativës për nxjerrje të karburanteve nga Maqedonia e Veriut nëpërmjet pikës doganore të Bllatës kanë qenë të shpeshta, por janë bllokuar nga autoritetet doganore.

Nga numërimi i votave preferenciale për 139 nga 222 QV në Qarkun Diber deri në orën 21.00  rezulton se Kandidatet e PS kanë keto vota: 1. Agron Malaj 12051  2. Murat Dani 2955 3.Daniel Gjurra 3010  4.Dritan Selishta 335  5. Valentina Haliti 157 vota, ndërsa Kandidatët e ASHM-PD kanë marrë këto vota: 1. Basir Çollaku 4466 2. Përparim Spahiu 3112  3. Xhemal Gjunkshi 2474  4. Alketa Agolli 881  5. Ismail Uka 350 vota. Numërimi ka përfunduar në KZAZ-16 (Bashkia Mat dhe KZAZ-17 (Bashkia Klos)

Numëruar 48 / 222 QENDRA VOTIMI

KANDIDATET, PARTIA SOCIALISTE

1 – Agron Malaj 7844

2 – Murat Dani 148

3 – Danjel Gjura 62

4 – Valentina Haliti 12

5 – Dritan Selishta 4

KANDIDATET, ASHM-PARTIA DEMOKRATIKE

1 – Basir çollaku 3008

2 – Perparim Spahiu 483

3 – Xhemal Gjunkshi 404

4 – Alketa Agolli 153

5 – Ismail Uka 28

Numëruar 40 / 222 QV total. PS Agron Malaj 6419, ASHM-PD Basir Çollaku 2648, ASHM-PD Përparim Spahiu 395, ASHM-PD Xhemal Gjunkshi 279, PS Murat Dani 127 vota.

Deri ne keto momente janë numëruar 40 qendra votimi.