Edhe këtë të enjte minatorët e Bulqizës kanë protestuar sërish, por në ditën e katërt të protestës në numër më të vogël, për shkak se kompania nuk ka lejuar të futen brenda ambjenteve punëtorët e turnit të dytë dhe të tretë. Protestuesit u mblodhën në pjesën hyrëse të galerisë së kromit duke kundërshtuar vendimet e marra nga kompania që menaxhon minierën më të madhe të Bulqizës. Në mbështetje të minatorëve protestues kanë shkuar edhe ish-minatorë.

Njëri prej tyre, ish-minatori Kadri Disha thotë se minatorët e Bulqizës duhet të mbështeten në protestën e tyre edhe nga sindikatat e të mos luftojnë të vetëm. Ai thekson se vendimi i kompanisë për të bërë edhe të shtunat ditë pune është i padrejtë. Disha shton se një tjetër padrejtësi ndaj minatorëve është mos miratimi i statusit të minatorit.

Prej disa ditësh dhjetra minatorë, të minierës që administrohet nga kompania turke Yildirim Holding, janë ngitur në protestë duke kërkuar rritjen e pagës, shfuqizimin e vendimit për të punuar edhe të shtunave dhe lëvrimin e 4% të inflacionit, një zë ky i akorduar nga shteti shqiptar.

Kryeministri Edi Rama në nisje të serisë së sotme “Sy m’sy” ka publikuar një video nga tuneli i murrizit, i cili do të hapet më 14 mars.

Rama u shpreh se kjo ditë përkon edhe me ditën e verës, ndërsa ka bërë me dije se shumë shpejt mbaron edhe aksi Maqellarë- Peshkopi.

“Ky është tuneli i shumëpritur i Murrizit. Më në fund u dorëzua mali. Edhe tuneli do të dorëzohet nesër për të gjithë popullin e Dibrës që mezi e kanë pritur për vite. Syri i keq më në fund plasi se tel ai tunel na u mblodh energjia negative dhe gjeologjia e atij tuneli ishte tmerr kështu që nesër, tuneli i Murrizit hapet. Kjo përkon me ditën e verës. Nesër ditë vere nga Elbasani në Dibër e në të gjithë Shqipërinë. Jam i bindur se nëse s’ke shkuar do të zbulosh një copë Shqipërie të mrekullueshme, por ajo që kemi bërë gjatë këtyre viteve, kemi krijuar mundësi për zbulimin e copave të mrekullueshme”, tha ai.

Blendi Klosi: Paraqes para jush listën e ekipit të Dibrës. Lista përbëhet nga 7 anëtarë që premtojnë një rezultat pozitiv. Nga të shtatë kolegët, përveç meje 6 të tjerët garojnë për herë të parë në qarkun e Dibrës.

Lista përbëhet nga Blendi Klosi, Alma Selami, Agron Malaj, Murat Dani, Daniel Gjura, Valentina Haliti, Dritan Selishta.

35-vjeçari Eriol Çela është arrestuar nga policia e Dibrës pasi ka goditur me grusht një punonjës policie.

Blutë bëjnë me dije se gjithçka ka ndodhur pas vendosjes së një gjobe për parkim të gabuar.

Njoftimi i policisë: 

Goditi me grusht, për shkak të detyrës, një punonjës policie, vihet në pranga 35-vjeçari.

Specialistët për Hetimin e Krimeve të Komisariatit të Policisë Dibër arrestuan në flagrancë shtetasin Eriol Çela, 35 vjeç, banues në Peshkopi, pasi gjatë veprimeve procedurale për vënien e një mase administrative, për parkim të gabuar, ka goditur me grusht, një punonjës të Drejtorisë Vendore të Policisë Dibër.

Materialet procedurale iu referuan Prokurorisë pranë Gjykatës të Shkallës së Parë të Juridiksionit të Përgjithshëm Dibër, për veprime të mëtejshme.

Këshilli i Bashkisë së Matit është mbledhur këtë të mërkurë ku miratoi unanimisht dorëheqjen e kryebashkiakut Agron Malaj i cili do të jetë pjesë e listës për deputet në Qarkun Dibër në zgjedhjet e 11 Majit. 19 nga 21 anëtarët e këshillit bashkiak ishin të pranishëm në këtë mbledhje jashtë radhe e thirrur me vetëm dy pika në rendin e ditës. Pas miratimit të dorëheqjes së Malajt këshilli votoi për dy zv/kryetarët e Bashkisë ku me 17 vota u zgjodh Myslim Zeneli kundrejt 1 vote për Flutura Biba dhe një votë e pavlefshme.

Kryetari tashmë në detyrë Myslim Zeneli tha se administrata do të jetë e përkushtuar maksimalisht për vijim normal të shërbimeve dhe investime ndaj qytetarëve.

Minatorët e minierës së Bulqizës kanë vijuar bojkotimin e punës edhe këtë të martë. Dhjetra minatorë, që enisën bojkotin që të hënën, këtë herë u mblodhën në pjesën e përarme të hyrjes në minierën më të madhe të Bulqizës duke shpalosur kërkesat e tyre ndaj kompanisë konçensionare.

Ata kundërshtojnë urdhërin e kompanisë që menaxhon minierën më të madhe të Bulqizës për të punuar edhe ditët e shtuna, në kundërshtim me kontratën e punës. Po ashtu, minatorët kërkojnë që të bëhet rritja e rrogës siç ishte planifikuar në fillim të muajit Janar.

Minatorët u shprehën se pa u zgjidhur kërkesat e tyre nuk do të rikthehen në punë pasi kompania është në shkelje të kontratës individuale por edhe kolektive.

Për shkak se nuk i lejojnë të grumbullohen, minatorët e kompanisë Yıdırım Holding kanë zgjedhur si formë proteste bojkotimin e punës. Kjo është protesta e parë që minatorët e minierës më të madhe në Bulqizë protestojnë që kur miniera u kalua nën administrimin e kompanisë turke.

Kryetari i Bashkisë Mat Agron Malaj ka paraqitur dorëheqjen e tij në drejtim të Bashkisë, për tu bërë pjesë e garës së 11 Majit.

Malaj ka vënë në dijeni Këshillin Bashkiak për largimin nga detyra, ndërsa këshilli ka njoftuar mbledhje jashtë radhe ditën e Mërkurë për të zgjedhur një nga zv/kryetarët për të drejtuar bashkinë deri në zgjedhjet e reja vendore.

Partia Socialiste pritet që t’i zyrtarizojë kandidatët e saj ditën e Mërkurë. Ndërkohë për Qarkun Dibër deri tani përfliten Blendi Klosi, Kryetarja e Këshillit të Qarkut Alma Selami, Kryebashkiaku i Matit, Agron Malaj, Drejtori i Agjensisë së Kadastrës Dibër, Danjel Gjura, Murat Dani, si dhe Drejtori i Spitalit Rajonal Dibër, Ruzhdi Deda.