Ministria e Arsimit, Sportit dhe Rinisë e ka deleguar përgjegjësinë për tju përgjigjur kërkesës për inrofmacion në lidhje me objektin e godinës arsimore të Shkollës së Memse të Bashkuar “Haxhi Lata” në Suç, Ministrisë së Shtetit për Rindërtim.
Duke qenë se Bashkia e Klosit është shprehur se ka depozituar pranë Ministrisë së Arsimit projektin për financim, ne ju drejtuam me shkresë zyrtare kësaj ministrie për të na vënë në dijeni procesin në të cilin ndodhet ky projekt.
Por Ministria e Arsimit, Sportit dhe Rinisë, nuk i është përgjigjur shkresës, duke ja përcjellë këtë të fundit, Ministrisë së Shtetit për Rindërtim, ministri kjo e krijuar pas tërmetit të 26 Nëntorit të vitit 2019.
Kjo lidhet edhe me faktin se objekti është shpallur i rrezikshëm për tu përdorur për arsimimin e rreth 250 nxënësve, pas inspektimit të bërë nga Specialistët e Institutit të Ndërtimit të ardhur nga Tirana.
Mat Televizion do të vijojë të ndjekë këtë problem, duke pritur fillimisht përgjigjen e Ministrisë së Shtetit për Rindërtim, e më pas nëse kjo nuk merr përgjegjësi, do të vijojë me hallka të tjera institucionale.
youtube.com/watch?v=4ZIFmpHXj4Y
