Ndonëse është trumbetuar si një ndër investimet m ëtë mëdha të kohëve të fundit në insfrastrukturë, unaza e qytetit të Peshkopisë ende nuk ka përfunduar. Janë 50 metra në anën lindore që nuk janë hapur ende, pasi Bashkia e Dibrës është në konflikt me privatët të cilët kërkojnë shpronësim për godinat që duhet të prishen.
Kjo situatë gjendet e tillë prej vitesh qëkur ka nisur ndërtimi i unazës së poshtme të këtij qyteti aks i cili do të shmangte lëvizjen e mjeteve të tonazhit të rëndë në rrugët e brendshme të Peshkopisë. Qytetarët shprehen se Bashkia duhet të ndërhyjë menjëherë dhe të shpronësojë pronarët pasi ata janë me dokumentacion të rregullt.
Unaza e qytetit të Peshkopisë është një projekt i cili i ka kushtuar buxhetit të shtetit miliona lekë, por që deri tani nuk është finalizuar.
