Parlamenti Europian: Pavarësia e Gjyqësorit Thelbësore për Rrugëtimin e Shqipërisë drejt BE-së
Parlamenti Europian: Pavarësia e Gjyqësorit Thelbësore për Rrugëtimin e Shqipërisë drejt BE-së
Parlamenti Europian: Pavarësia e Gjyqësorit Thelbësore për Rrugëtimin e Shqipërisë drejt BE-së
Një draft-rezolutë e hartuar nga Parlamenti Europian thekson se pavarësia e gjyqësorit është thelbësore në rrugën e Shqipërisë drejt anëtarësimit në Bashkimin Europian.
Në dokumentin prej nëntë faqesh, Parlamenti Europian vlerëson se forcimi i institucioneve demokratike, pavarësia e gjyqësorit, lufta kundër korrupsionit, liria e medias dhe të drejtat themelore mbeten thelbësore për progresin e Shqipërisë drejt BE-së.
PE-ja përshëndet vijimin e reformës në drejtësi dhe procesin e vettingut, megjithatë vëren sfida të tilla si vonesat në çështje dhe përpjekjet për ndikim të padrejtë. Këto çështje kërkojnë vëmendje të vazhdueshme dhe zgjidhje efektive për të garantuar funksionimin e plotë të sistemit të drejtësisë.
Sa i përket reformës zgjedhore, draft-rezoluta thekson se kuadri aktual zgjedhor konsiderohet përgjithësisht i përshtatshëm. Megjithatë, shprehen shqetësime serioze lidhur me barazinë e kushteve, keqpërdorimin e burimeve administrative, akuzat për blerje votash dhe presionin mbi votuesit. Në këtë kontekst, Parlamenti Europian bën thirrje për një reformë zgjedhore gjithëpërfshirëse dhe zbatim të plotë të rekomandimeve të OSBE/ODIHR dhe Komisionit të Venecias, për të siguruar zgjedhje të lira dhe të ndershme në Shqipëri. (TOP CHANNEL)
