Mbi 40 persona humbën jetën, fati i shumë të tjerëve ende nuk dihet dhe qindra të tjerë janë plagosur nga tërmeti që goditi Shqipërinë me epiqendër në Durrës. Qeveria shpalli gjendjen e jashtëzakonshme dhe një ditë zie kombëtare duke shënuar një nga momentet më tragjike pas 1990. Por kjo nuk është tragjedia e vetme që ka kaluar Shqipëria në 30 vitet e fundit. Më poshtë disa nga tragjeditë që kanë pllakosur Shqipërinë në vite;
Tragjeditë më të mëdha të Shqipërisë pas 1990
28 mars 1997, tragjedia e Otrantos
Si pasojë e përplasjes me anijen italiane “Sibilla”, mbytet anija “Katri i Radës”. Anija ishte nisur nga qyteti i Vlorës. Në këtë tragjedi humbën jetën 89 persona dhe u plagosën shumë të tjerë.
në 29 prill të vitit 1997 Tragjedia e Qafe Shtames.
23 persona humben jeten ne tunelet e Qafe Shtames ne Selixe te Matit. banore nga fshati Frankth, Selixe etj humben jeten nga shperthimi brenda ne tunelin me municione te Qafe Shtames. Ne momentin e Shperthimit ne tunel ndodheshin femije gra e burra. Sot pas 22 viteve, askush nuk mban pergjegjësi për këtë tragjedi. Nga familjarët kujtohen çdo vit me dhimbje të madhe.
9 janar 2004, Karaburun
21 persona humbën jetën si pasojë e avarisë në motorin e gomones që u nis në 9 janar të 2004-ës nga Vlora. Ata ishin nisur drejt Italisë, ndërkohë që mes të vdekurve ishte edhe një skafist. Policia arrestoi dy skafistët e tjerë.
14 tetor 2004, Fushë-Arrëz
Gjimnazistët kosovarë ishin nisur për një ekskursion 5-ditor në Shqipëri por 14 prej tyre humbën jetën tragjikisht në një aksident të rëndë në Fushë Arrëz ngjarja ka ndodhur në 14 tetor 2004, ku autobusi i tyre u përplas me një makinë.
11 mars 2007, Dukagjin
Është cilësuar si një nga aksidentet më të rënda rrugore. Fugoni në të cilën udhëtonin nëntë veta u rrëzua në një humnerë prej një lartësie 50 metra në rrugën Kir-Dukagjin. Humbën jetën gjashtë persona mes tyre edhe fëmijë.
6 mars 2008, Liqeni i Farkës
Përmbytja e varkës në orët e para të mesnatës në liqenin e Farkës solli vdekjen e 16 personave. Shkak i mbytjes së varkës ishte numri i madh i personave që ndodheshin në të. Nga kjo tragjedi shpëtuan katër persona.
15 mars 2008, tragjedia e Gërdecit
Tragjedia e Gërdecit, është ndër tragjeditë më të mëdha. Pas shpërthimit të fabrikës së municioneve, humbën 26 persona dhe dhjetëra të tjerë të plagosur.
19 korrik 2010, aksidenti në Pukë
Autobusi i linjës Fushë-Arrës-Durrës doli nga rruga në fshatin Dom në komunën Gjegjan të Pukës kur për pasojë 14 pasagjerë gjetën vdekjen dhe dhjetëra të tjerë u plagosën në gjendje të rëndë.
9 nëntor 2010, aksidenti i Ballshit
Në aksin Ballsh-Fier u rrëzua një autobus nga 100 metra lartësi, ku si pasojë vdiqën 9 persona dhe u plagosën 38 të tjerë.
21 maj 2012
13 studentë të Universitetit “Aleksandër Xhuvani” në Elbasan humbën jetën dhe 26 të tjerë u plagosën pasi autobusi me të cilin po udhëtonin nga Vlora drejt Himarës u aksidentua duke përfunduar në humnerë.
26 Nëntor 2019
Një tërmet me magnitudë 6.4 ballë goditi Shqipërinë duke shkaktuar mbi 30 viktima dhe qindra të plagosur, ndërsa ende nuk dihet fati i shumë të tjerëve që janë ende nën rrënoja. /shqiptarja.com
