Maqellara edhe këtë sezon pa ujë vaditës?!
Qindra hektarë tokë bujqësore në Maqellarë të Dibrës edhe këtë vit nuk do të mund të kenë ujë vaditës. Banorët janë skeptik edhe për këtë sezon, megjithëse vitin e kaluar ju premtua që rezervuaret dhe kanalet do të viheshin në efiçencë. Banorët e mbetur aty janë kryesisht të moshës së tretë pasi rinia ka emigruar si pasojë e mungesës së perespektivës për të ndërtuar të ardhmen në këtë fshat, thonë se e vetmja shpresë për të marrë prodhime bujqësore, janë reshjet e shirave. Përveçse kostoja e proceseve të punimit të tokës është e lartë, banorët shprehen se problemi më i madh mbetet uji vaditës.
Në Maqellarë, banorët thonë se kanë problem edhe me furnizimin me ujë të pijshëm, ndonëse ky fshat rrethohet nga malet e ka burime të mjaftueshme ujore.
