Valentino Rossi, ai që konsiderohet si piloti më i mirë i historisë së MotoGP, i dha sot lamtumirën karrierës.
“Doktori” përfundoi në vendin e dhjetë garën e tij të fundit, që u zhvillua në Valencia të Spanjës.
42-vjeçari vendosi të tërhiqej në fund të sezonit aktual, pas 432 garash, 115 fitoresh dhe 9 titujsh kampion, duke u bërë piloti më i suksesshëm në histori.
Menjëherë pas kalimit të vijës së finishit, Rossi u nderua me urime nëpërmjet videove nga shumë personazhe të botës së sportit dhe spektaklit, ndërkohë që në bokset e tij ishte i pranishëm edhe Fenomeni Ronaldo.