Në prag të vigjiljes së Krishtlindjeve Kisha Ungjillore Burrel ka ndarë gjatë gjithë kësaj jave pako dhuratë për nxënës të shkollave të ndryshme në Bashkinë e Matit. Pas ndarjes së pakove në shkollat Lis, Gjalish e Shëlli, Kisha Ungjillore dhuroi pako edhe për nxënësit e shkollave Derjan, Macukull, Dukagjin, Gjoçaj, Shqefën e kopshti i shkollës “31 Korriku”, Burrel. Të pranishëm në ndarjen e dhuratave ishin drejtues të shkollave dhe drejtues të Kishës Ungjillore Burrel.
Festën e Krishtlindjes për të gjithë besimtarët ungjillor e uroi Pastori i Kishës Ungjillore Burrel, Rustem Beqiri.
Kisha Ungjillore Burrel ka shpërndarë për festat e fundvitit afro 400 pako për fëmijët e Bashkisë së Matit.