“Korrupsion”, “Pastrim parash” dhe “Fshehje pasurie”/ SPAK merr zyrtarisht të pandehur Erion Veliajn, ja kur do t’i komunikohen akuzat

SPAK merr zyrtarisht të pandehur Erion Veliajn për akuzat e korrupsionit, pastrimit të parave dhe fshehjes së pasurisë. Burime të informuara bëjnë me dije se akuzat do t’i komunikohet më datë 23 korrik, ditë e mërkurë. Avokatët dhe z.Veliaj janë njoftuar zyrtarisht nga Prokuroria e Posaçme. Nuk dihet nëse kryebashkiaku i Tiranës do të lërë për pak orë qelitë e paraburgimit në Durrës për t’u përballur me prokurorët e posaçëm, Altin Dumani dhe Ols Dado. Ajo çfarë mbetet e paqartë është nëse SPAK do ta përcjellë dosjen për në Gjykatën e Posaçme apo do të shtyjë afatet e hetimit. Erion Veliaj mbahet në paraburgim prej 10 shkurtit të këtij viti. Ai po hetohet bashkë me bashkëshorten Ajola Xoxa dhe 6 biznesmenë.