Europa Qëndrore duket se po e fiton luftën me koronavirusin, pasi shifrat janë gjithmonë e më të ulta. Por në Lindje të Europës dhe Amerikën Latine shifrat po rriten çdo ditë.
Në Rusi dhe Brazil Covid-19 po përhapet me shpejtësi. Shtetet e Bashkuara të Amerikës kanë rreth 20 mijë të prekur çdo ditë, por autoritetet aty thonë se e kanë në kontroll.
Deri më sot janë 5 milionë të infektuar në gjithë botën nga Covid-19 dhe rreth 325 mijë persona kanë humbur jetën.
Numri i vdekjeve është në ulje, si dhe rreth 2 milionë persona janë shëruar deri më tani. Mjekët dhe shkencëtarët janë në luftë me kohën për të gjetur kurën dhe vaksinën kundër koronavirusit.
