Ministrja e Arsimit, Sportit dhe Rinisë, Evis Kushi vlerësoi sot kontributin e mësueses Dhurata Cuka, nga Burreli.
“Zysh Lata, siç e njohin të gjithë në Burrel, uron çdo ditë nxënësit e saj me thënien e Dante Alighierit: ‘Të lindur qofshi për të kërkuar virtyte e dituri’. Me gati 20 vite përvojë e pasion si mësuese e Arsimit Fillor, ajo është gjithmonë e qeshur, e thjeshtë, e dashur me fëmijët, e komunikueshme dhe e gatshme për të ndihmuar këdo”, vlerësoi Kushi.
Si koordinatore rajonale e platformës europiane të punës me projekte “eTwinning”, Kushi vlerësoi se mësuese Cuka ka realizuar me sukses projekte binjakëzimi mes shkollave, duke u shpallur fituese e vendit të parë në shkallë kombëtare në tetor të vitit 2020.
Njëkohësisht, ka përfaqësuar me dinjitet Shqipërinë në disa konferenca dhe panaire të platformës “eTwinning”.
