Që kur u ndërtua rruga që do të lidhte Matin nga fshati Fshat me rrugën e Arbrit, shtëpia e familjes Cakoni mbeti mes dy rrugëve hyrëse dhe dalëse për automjetet. E zonja e shtëpisë, Mane Cakoni thotë se askush nuk mbajti përgjegjësi për këtë rrethim banese nga rrugët automobilistike dhe se nuk ju është dhënë një zgjidhje për të lëvizur nga aty. Ajo thotë se në vend që shteti apo kompania ta dëmshpërblenin e ta largonin nga aty, janë mjaftuar duke i thënë se ne nuk po ta prishim banesën apo nuk po të cënojmë pronën. Mane Cakoni akuzon kompaninë që ka ndërtuar rrugën e Arbrit dhe Ministrinë e Inrfrastrukturës dhe Energjisë të cilët e kanë lënë në këtë hall të madh dhe rrezik për jetët e familjarëve në çdo moment nga makinat.
Mane Cakoni u bën apel institucioneve përgjegjëse të shetit shqiptar, të ndërhyjnë për ta zgjidhur problemin e saj, pasi jeta e të gjithë familjarëve është në rrezik të madh nga të dy rrugët që i kanë rrethuar banesën.