Hapet Zyra për Informim e Këshillim Karriere në Bashkinë Mat

Brenda ambjenteve të One Stop Shop në hyrje të godinës së  Bashkisë Mat nga sot do të ketë një tjetër shërbim të ri për qytetarët, ku është bërë hapja e Zyrës për Informim dhe Këshillim Karriere. Hapja e kësaj zyre vjen në kuadër të projektit “Një vizitë larg karrierës tuaj të ardhshme” të financuar nga Zyra për Marrëdhënien me Publikun të Ambasadës së SHBA-së në Tiranë dhe zbatuar nga Albanian Skills në bashkëpunim me Bashkinë Mat. Të pranishëm në hapjen e kësaj zyre ishte Kryetari i Bashkisë Mat, Agron Malaj, Drejtoresha Ekzekutive e “Albanian Skills”, Ana Zacharian si dhe të rinj të qytetit të Burrelit. Kryebashkiaku Agron Malaj falenderoi drejtuesit e projektit për këtë bashkëpunim të frytshëm.

Drejtoresha Ekzekutive e organizatës “Albanian Skills” Ana Zacharian tha se tashmë me hapjen e kësaj zyre të rinjt e Matit e kanë më të lehtë të orjentojnë karrierën e tyre.

 Zyra e Iformimit dhe Këshillimit të Karrierës Mat do të jetë e hapur për të rinjtë dhe publikun e gjerë ku do të asistojë të rinjtë dhe ato të cilët kërkojnë informacione apo të zhvillojnë më tej karrierën e tyre me anë të shërbimeve si dhe duke i përfshirë drejtpërsëdrejti në zbatimet e planit funksional të kësaj zyre.