Mungesa e mjekëve nuk vihet re vetëm në qendrat spitalore të cilat kanë mungesë të theksuar të mjekëve specialist, por edhe tek mjekët e përgjithshëm.
Banorët e Njësisë Administrative Gjoricë në Bulqizë, kërkojnë që në Qendrën Shëndetësore të tyre të caktohet një mjek i përgjithshëm, pasi e gjithë njësia ka plot 600 familje dhe është e pambuluar nga ky shërbim.
Banorët shprehen se për të kryer një vizitë të thjeshtë duhet të udhëtojnë drejt Shupenzës apo nëse nuk e gjejnë as aty mjekun, duhet të shkojnë në Bulqizë. Në qendrën Shëndetësore të Gjoricës ka vetëm infermier të cilët mund të japin ndihmën e parë të tyre, por për banorët kjo nuk është aspak e mjaftueshme.
Mungesa e mjekëve në fshatra nuk është problem vetëm i Gjoricës, por edhe i shumë njësive të tjera administrative në Bulqizë.
