Fluks automjetesh në Morinë/ Policia Kufitare operon me procedura të lehtësuara për kalimin e kufirit
Fundjava nis me fluks të lartë qytetarësh e mjetesh në Pikën Kufitare të Morinës.
Që prej orëve të para të mëngjesit qytetarët e Kosovës janë nisur drejt qyteteve bregdetare për të kaluar fundjavën por edhe pushime më të gjata në këtë sezon veror.
Megjithëse fluksi i lëvizjes së mjeteve ishte i lartë, nuk janë krijuar radhë në kufi.
Policia kufitare ka operuar me procedurën e lehtësuar të kalimit të kufirit pa kontrolle për të gjitha automjetet me targa të Kosovës dhe Shqipërisë.
