Qendrës Shëndetësore Klos i është shtuar një autoambulancë e cila do të shërbejë për pacientët e kësaj qendre shëndetësore në katërt njësitë administrative. Kjo autoambulancë e ardhur nga Italia është bërë e mundur falë një donacioni ekonomik të disa të rinjve klosjanë që jetojnë në vende të ndryshme të botës. Ajo ju dorëzua këtë të hënë Qendrës Shëndetësore të Klosit, e cila në vijim do ta përdorë për të gjitha nevojat shëndetësore që do të kenë banorët e Xibrit, Klosit, Gurrës e Suçit. Iniciator i këtij donacioni ka qenë drejtori i Spitalit Bashkiak Mat, Erion Bala, i cili tha se kjo është falë kontributit të shumë të rinjve klosjanë që jetojnë jashtë kufijve të Shqipërisë, por jo vetëm.
Një falenderim për donatorët bënë edhe Drejtoresha e Qendrës Shëndetësore Klos, Nexhmije Dedolli dhe Drejtori i Njësisë Vendore të Kujdesit Shëndetësor Mat, Altin Bojni.
Veç autoambulancës, donatorët: Andi Alla, Vath Cidri, Armand Topalli, Jorlind Elezi, Jetmir Reçi, Besmir Vela, Matjan Vela, Dritan Dema, Elton Dedolli, Arben Çela dhe Erion Bala kanë sjellë edhe bazë materiale për njerëzit që kanë probleme me ecjen.