Dita Botërore e Turizmit, Bashkia Mat aktivitet në Ulëz
Në kuadër të Ditës Botërore të Turizmit, Bashkia Mat nëpërmjet sektorit të Turizmit, Trashëgimisë Historike dhe Arkeologjike, zhvilluan një aktivitet promovues për turizmin në Ulëz. Pjesë e këtij aktiviteti ishin përfaqësues të pushtetit vendor, Këshillit të Qarkut Dibër dhe banorë të zonës. Ashtu si vitet e kaluara, aktivitetit nuk i mungoi as panairi me prodhimet tradicionale të zonës, por edhe pjesmarrës të tjerë nga Klosi e Bulqiza. Specialistja e Turizmit, në Bashkinë Mat, Sara Porja bëri një historik të shkurtër të zhvillimit turistik të ulzës.
Përgjegjësja e Sektorit të Turizmit, Trashëgimisë Historike dhe Arkeologjike, Bashkinë Mat Suzana Kurti tha se bashkia do të vijojë për të promovuar jo vetëm ulzën por gjitha resurset turistike të Matit.
Nënkryetari i Këshillit të Qarkut Dibër, Halit Palamani në fjalën e tij të rastit tha se këshilli in qarkut do të ndihmojë promovimin e turizmit në të gjithë Matin.
Të pranishmit ndoqën disa numra artistik të interpretuar nga fëmijët e Qendrës Kultutore të Fëmijëve Mat si dhe këngëtari i mirënjohur matjan Shkëlqim Farrici.
Në fund të pranishmit vizituan panairin me produkte të ndryshme që nga gatimet e zonës, punimet artizanale etj.
