Dibranët nisen drejt Tiranës për të protestuar kundër HEC të Skavicës

Banorë të Dibrës të cilët vijojnë të kundërshtojnë ndërtimin e HEC-it të Skavicës zhvilluan mëngjesin e sotëm një protestë simbolike në rrugën e Arbrit në Bulqizë.

Ata protestuan për disa minuta në hyrje të tunelit të Qafës së Buallit duke kërkuar anullimin e projektit i cili sipas tyre ç’popullon Dibrën me përmbytjen e 32 fshatrave që i fut nën ujë. Projekti është paditur në Gjykatën Kushtetuese nga banorët ku do të mbahet seanca mes palëve sot në orën 10:00. Banorët e Dibrës shprehen se nuk do të ndalen në luftën e tyre për të mos lejuar ndërtimin e kësaj vepre hidro-energjitike.

Ndërtimi i HEC të Skavicës fut nën ujë mijëra hektar tokë dhe zhduk një pjesë të historisë së kësaj zone.