Dështoi të ngjisë Burrelin në Superiore. Samuel Nikaj vijon karrierën në Kosovë
Samuel Nikaj është rikthyer në Kosovë, në një klub që ai e do shumë. Shkodrani, pas eksperiencës me Burrelin në Kategorinë e Parë në Shqipërisë, do të drejtojë sërish Vushtrrinë, që vitet e fundit ka vuajtur problemet e shumta.
“Kryesia e re ne krye me z, Agim Malokun qysh në ditën e parë të punës, arrin marrëveshje me Samuel Nikaj dhe Labigole!
Ikona e qytetit që i dha gjithçka klubit dhe specialisti i sukseseve për rikthim në Superligë, sot u kthyen në klubin tonë të zemrës, aty ku e kanë vendin. Me profen, Samuel Nikaj dhe kapitenin legjendar Labinot Osmani, klubi ynë po fillon rrugën e rikthimit në majat e futbollit kosovar.null
Që të dy së bashku edhe me shumë tjerë që do të jenë pjesë e FC Vushtrria do të kthejnë gëzimin në qytetin tonë.
Kryesia e re ka plane konkrete që klubi ynë i zemrës të merr formën e duhur dhe që i gjithë qyteti të jetë në stadiumin e qytetit “Ferki Aliu”. Forca jonë, tifozeria e flaktë, do të jetë gjithashtu motivi jonë shtesë për përkushtim maksimal”, njofton klubi i Vushtrrisë.
