SPORT

Burreli – Skënderbeu, 1 me 2

Janë luajtur të dielën ndeshjet e javës së 12 të kampionatit të kategorisë së parë në futboll. Ekipi ynë i futbollit “Burreli” priti në stadiumin “Liri Ballabani” skuadrën kryesuese të kategorisë së parë, Skënderbeun e Korçës. Matjanët u mundën 2 me 1 nga korçarët të cilët i shënuan të dy golat që në pjesën e parë. Megjithatë, duhet thënë se skuadra e drejtuar nga tekniku Samuel Nikaj pati raste të pastra që në minutat e para të takimit për të shënuar, por u humbën nga Fetaj e Arnold. Miqtë arritën të gjejnë rrjetën e portës matjane në minutën e 7 me Vangjelin i cili shfrytëzon saktë një top të kthyer nga mbrojtja matjane dhe shënon golin e parë. Rastet e ekipit të Burrelit do të ishin të shumta por pa finalizuar me gol asnjërin prej tyre në pjesën e parë. Miqtë dyfishojnë shifrat në minutën e 21 me Musa-n. Goli i vetëm i matjanëve do të shënohej në pjesën e dytë, pikërisht me Xhabrahimin në minutën e 60. Korçarët arritën ta ruanin rezultatin dhe në minutat e mbetura duke bërë që në fund të lojës të rrëmbenin tri pikë të plota nga kjo përballje. Këto tri pikë e mbajnë Skënderbeun në vendin e parë me 31 pikë të grumbulluara në 12 ndeshje, ndërsa Burreli qëndron në vendin e 5 me 16 pikë, po aq sa Apolonia e vendit të shtatë dhe një pik më pak se Iliria e vendit të katërt që ka grumbulluar deri tani 17 pikë. Këtë fundjavë Burreli do të luajë në transfertë kundër ekipit të Kukësit.

E rëndë në Bulqizë, babai plagos me thikë djalin, arrestohet nga policia

E rëndë në Bulqizë, babai plagos me thikë djalin, arrestohet nga policia Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e

Prishja e konsensusit/ Propozimi i PS për ‘Territorialen’, ndryshon formula e komisionit

Socialistët iu përmbajtën paralajmërimeve të tyre. Zyrtarisht ata kërkojnë ndryshmin e formatit të Komisionit për Reformën Administartivo Territoriale. Socialistët në ndryshimet që kanë propzuara, marrin shumicën e anëtarëve, nga 8 deputetë aktualisht, e cojnë në 9, çka prish barazinë mazhorancë-opozitë. Në dokumentin që do të duhet të marr miratim në

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Read next