Ekipi i Burrelit vijon fazën përgatitjen në prag të nisjes së Kategorisë së Parë.
Ditën e sotme në stadiumin “Loro Boriçi” të Shkodrës u zhvillua miqësorja e “luksit” Vllaznia-Burreli.
Matjanët e nisën ndeshjen mjaft mirë duke kaluar në avantazh me kundërsulm nëpërmjet Effiong Eyoh i cili i vetëm përball portierit nuk fal dhe shënon.
Është sërish Eyoh i cili në një aksion të ngjashëm dështon të dyfishojë.
Mungesa e saktësisë nga matjanët shfrytëzohet nga Vllaznia e cila godet dy herë me anë të Gurishtës dhe Çobës duke përmbysur rezultatin.
Gjithsesi matjanët zhvilluan një ndeshje mjaft të mire duke luftuar ndaj nje ekipi i cili është superior në organikë.
