Reshjet e dëborës të rëna gjatë së dielës në Dibër kanë lënë pasoja të rënda në frutikulturë. Prania e dëborës dhe më pas ngrica gjatë natës ka shkaktuar dëme të mëdha në frutikulturë. Pemët frutore që ishin në lulëzim apo ato që ishin në formim të frutit janë dëmtuar të gjitha. Fermerët thonë se kjo është situatë e pazakontë për periudhën ndërsa ndjehen të pafuqishëm për ta përballuar. Nderim Kryemadhi shprehet se prodhimi në qershitë që dëbora i ka zënë në lulëzim apo në formim të frutit do të jetë zero për këtë vit për shak edhe se temperatrurat gjatë natës kanë zbritur disa gradë nën zero. Sipas Kryemadhit mungesa e mbështetjes në raste të tilla nga ana e shtetit për t’i subvencionuar rrit akoma më shumë dëmin dhe step fermerët që ta vazhdojnë këtë aktivitet edhe në vitet e ardhshme.
Fermerët kërkojnë që dëmet nga fatkeqësitë natyrore të subvencionohen nga shteti pasi agjensitë e sigurimeve nuk pranojnë që t’i sigurojnë fermat e pemtarisë.