Të paktën 22 persona kanë humbur jetën, mbi 1 mijë janë plagosur, si pasojë e tërmetit të fuqishëm, me magnitudë 6.8 të shkallës rihter, që goditi mbrëmjen e së premtes pjesën lindore të Turqisë.
Tërmeti i fuqishëm ishte me epiqendër në Sivrice, provincë e Elazig. Shumë ndërtesa e shembën, ndërsa njerëzit e kaluan natën jashtë në të ftohtë. Tërmeti i parë i fuqishëm u shoqërua nga mbi 200 lëkundje më te lehta, deri në 5 ballë. Lëkundjet e tërmetit janë ndjerë edhe në Siri, Liban dhe në Iran.
