BEJNË, PENSIONISTËT MARRIN USHQIMET ME LISTË PËR TË FESTUAR KURBAN BAJRAMIN
Tregtari Rasim Shahini, nga fshati Bejnë, në bashkinë Klos, disponon një dyqan në fshatin e tij me artikuj nga më të domosdoshmit jetikë. Shqetësimi i tij është se fuqia blerëse ka rënë nga viti në vit. Sipas Shahinit, fshati është shpopulluar pasi rinia është larguar nga vendi. Ai thotë se tashmë dyqanin e tij e frekuentojnë vetëm pensionistët, që për shkak të pensionit të ulët, detyrohen t’i marrin ushqimet me listë, sidomos në parg festash, siç është rasti i Kurban Bajramit këtë herë.
Tregtari Rasim Shahini, nga fshati Bejnë, thotë se të njëjtën situatë, me rënie të fuqisë blerëse, po përjetojnë edhe mjaft tregtarë të vegjël në fshatrat e tjerë të bashkisë Klos.
