AKTUALITET

Asnjë shenjë e 30-vjeçarit Jurgen Karaj, prej 3 ditësh vijojnë kërkimet në lumin Mat

Kërkimet për gjetjen e trupit të 30-vjeçarit Jurgen Karaj po bëhen me kontrolle në bregun e lumit Mat, në ujë nga polumbarët kur dyshojnë në shenja, me pajisje dron si dhe duke lundruar në ujërat e lumit. Operacioni po zhvillohet në një gjatësi prej 25 km nga vendi ku ka ndodhur aksidenti deri në hyrje të liqenit të Ulzës në fshatin Urakë të Matit. Në terren janë mbi 300 forca të përbëra nga shërbimet zjarrfikëse të Bashkive Mat e Klos, të Forcave të Armatosura, shërbimet e mbrojtjes civile e vullnetar të tjerë. Prurjet e lumin Mat kanë rënë ndjeshëm por mbetet i vështirë konstatimi i trupit të të zhdukurit, për shkak të tekstileve apo mbeturinave të tjera që kanë ngecur në bimësinë anash lumit. Specialistët dyshojnë se 30-vjeçari mund të jetë mbuluar edhe nga prurjet e zhavorit të lumit, çka e vështirëson akoma më shumë gjetjen e tij për shkak se uji është ende i turbullt. 30-vjeçari Jurgen Karaj dyshohet se ishte në automjetin tip Audi me targa angleze që drejtohej nga 24-vjeçari Andi Losha, ku rreth orës 1 e 30 minuta të natës së 10 janarit, doli nga rruga dhe përfundoi në zallin e Darsit. 24-vjeçari arriti të dalë i gjallë nga uji, ndërsa ende nuk dihet fati i pasagjerit 30-vjeçar. Drejtuesi i mjetit Andi Losha ndodhet i arrestuar nën akuzën e largimit nga vendi i ngjarjes, mosdhënia e ndihmës ndaj pasagjerit si dhe drejtim të automjetit në gjendje të dehur, ndërsa për të riun tjetër të zhdukur vijojnë kërkimet.

Dëmtimet në tunelin e Murrizit, shkak punimet në tunelin e emergjencës?!

Tuneli i Murrizit një ndër veprat më të mëdha në rrugën e Arbrit që lidh Qarkun Dibër me kryeqytetin ka qenë vazhdimisht në qendër të kritikave për sigurinë dhe qëndrueshmërinë e tij. Ndërkohë, në afërsi të mesit të tunelit janë konstatuar dëmtime të anës lindore të tij, kryesisht në plasaritje

Nisi ndërtimin tre vite më parë, por ujësjellësi ende nuk ka përfunduar

Një projekt i Agjencisë Komëbatë të Ujësjellës – Kanalizimeve dhe Infrastrukturës së Mbetjeve, përfshinte ndërtimin e ujësjellësit rajonal nga burimet e “përroit të lopës” dhe burimet e “Ketës” për fshatrat Fullqet, Dars, Unjate, Bel, Kloskatund, Plan i Bardhë, Shëngjun dhe fshati Fshat. Por për banorët e këtij të fundit, ende në

Sot dhe nesër priten reshje intensive shiu, Agjencia Kombëtare e Mbrojtjes Civile thirrje institucioneve përgjegjëse për gatishmëri

Macionet e #IGJEO dhe #SHMU, gjatë pasdites së sotme dhe ditës së nesërme priten reshje në disa qarqe të vendit, lokalisht intensive dhe të shoqëruara me shtrëngata. Agjencia Kombëtare e Mbrojtjes Civile kërkon rritje e vëmendjes dhe gatishmërisë nga strukturat e Mbrojtjes Civile dhe institucionet përgjegjëse në nivel vendor dhe

Read next