Aktivitet për Ditën kombëtare të Fëmijëve Jetimë

  Në kuadër të Ditës Kombëtare në Ndihmë të Jetimëve, Shoqata Kombëtare në Mbështetje të Grupeve Vulnerabël në bashkëpunim me Bashkinë Mat, zhvilluan këtë të hënë një aktivitet në mjediset e Pallatit të Kulturës, Burrel. Aktiviteti festiv pati si qëllim sensibilizimin e të gjithë aktorëve e faktorëve të shoqërisë në mbështetje të fëmijëve jetim në vendin tonë. Të pranishëm në këtë aktivitet ishin Presidenti i Shoqatës Kombëtare të Grupeve Vulnerabël, Adriatik Gega, Nënkryetari i Bashkisë Mat, Myslym Zeneli, Deputetja e Qarkut Dibër, Aurora Mara, Nënprefekti i Matit, Hasan Pasha etj.

  Në këtë aktivitet performuan fëmijët e Qendrës Kulturore të Fëmijëve “Ymer Neli” Mat, “Art Besëlidhja” Lezhë dhe artisti Xhavit Limani me monologun për Gjergj Kastrioti Skënderbeun.

Ndërkohë, Shoqata zgjodhi edhe drejtuesin e saj për Matin, e cila në vazhdim do të jetë Mimoza Kurti.

Në fund të aktivitetit u ndanë pako me dhurata për fëmijët jetimë në Bashkinë e Matit.