Aksident në një minierë në Martanesh, plagoset 64 vjeçari, jashtë rrezikut për jetën
Një tjetër aksident në thellësi të tokës është shënuar në një nga galeritë e kromit në Martanesh të Bulqizës.
Sipas policisë ngjarja ka ndodhur në një subjekt minerar në Krastë-Martanesh, ku shtetasi B.K, 64 vjeç, banues në Bulqizë, është dëmtuar aksidentalisht në këmbë gjatë punës. 64-vjeçari është dërguar me urgjencë në spitëlin e Bulqizës ku pasi ka marrë ndihmën e nevojshme mjekësore është larguar për në banesë.
Ndërkohë, grupi hetimor dhe Insopektoriati Shtetëror i Punës ishin në vendin e ngjarjes dhe po hetojnë rrethanat e aksidentit. Ndërkohë, verifikimet po bëhen nëse kompania e cila administron galerinë ka zbatuar rregullat e sigurimit teknik në punë.
Aksidente të tilla në galeritë e kromit në zonën e Bulqizës janë të shpeshta, por ka patur raste edhe me humbje jete njerëzore. Sipas specialistëve, strukturat e sigurisë në miniera nuk duhet të presin që të ndodhin aksidente për të kontrolluar nëse zbatohen rregullat e sigurimit teknik, por të bëjnë kontrolle periodike mbi subjektet minerare.
