Aksident në aksin rrugor Bulqizë-Fushë Bulqizë, plagoset rëndë 19 vjeçari. Niset drejt spitalit të traumës në Tiranë

Bulqizë, 19 vjeçari aksidentohet me motorr niset drejt Tiranës
Një aksident është regjistruar këtë të enjte në Fushë Bulqizë ku një 19 vjeçar mbeti i plagosur rëndë.
Sipas policisë ngjarja ka ndodhur rreth orës 14.15, në aksin rrugor Bulqizë-Fushë Bulqizë, ku shtetasi E.K, 19 vjeç, duke drejtuar motomjetin e tij, dyshohet se ka humbur kontrollin dhe motomjeti ka dalë nga rruga.
Si pasojë e rrëzimit të motomjetit 19 vjeçari ka marrë dëmtime të shumta. Kanë qenë kalimtarë të rastit të cilët kanë parë ngjarjen ata që kanë bërë të mundur transportimin e të riut drejt Spitalit të Bulqizës.
Mjekët e këtij spitali i kanë dhënë ndihmën e parë 19 vjeçarit, por për shkak të komplikacioneve është dërguar për mjekim më të specializuar me autoambulancë në spitalin e Traumës në Tiranë.
Ndërkohë, motomjeti me të cilin po udhëtonte 19 vjeçari është marrë nga policia në komisariatin e Bulqizës.
Grupi hetimor ishte në vendin e ngjarjes për zbardhjen e rrethanave të plota të shkaqeve të aksidentit.