Ballina POLITIKE Agron Gjekmarkaj: Berishizmi sot është enverizmi i demokracisë

Agron Gjekmarkaj: Berishizmi sot është enverizmi i demokracisë

0

Deputeti i Partisë Demokratike, Agron Gjekmarkaj, gjatë fjalës së tij në Kuvend, deklaroi se PD ka nevojë të bëjë një akt të madh historik.

Gjekmarkaj, nënkuptonte me këtë akt, ndarjen nga Berishizmi si shoqëria nga enverizmi. Gjekmarkaj tha se berishizmi sot është enverizmi i demokracisë.

Deputeti tha se në këtë përplasje nuk ka faj vetëm Berisha, por atij i takonte që të priste dhe të mos e bënte partinë pjesë të problemeve të tij personale me SHBA-të. “Ai na ndau”- u shpreh Gjekmarkaj.

“Duke kaluar përmes sfidash e trazimesh, mes goditjeve e sulmeve, ja ku jemi sot, ja ku jemi në PDSH, të shumtë e të vendosur për ta mbajtur partinë e lirive properëndimore, pro amerikane, proevropiane, në shërbime të aspiratave të kombit shqiptar. Ne nuk jemi këtu për festë, por për të ndarë e zgjidhur një krizë që na ka përfshirë. Ajo që na shfaqet një luftë mes dy personazh, është një luftë për modele dy partish. PD është partia e të gjithëve dhe si e tillë nuk mund të lejojë që kriza e një personaliteti politik si Sali Berisha të përcaktojë fatin e PD për sot nesër e gjithmonë. Raportet e tij personale me SHBA-të janë vetëm një shkëndijë që bëri të shpërthenin problemet e akumuluara. Përgjegjës mund të jetë shumëkush, por askush më shumë se Berisha. Do doja që ky Kuvend të analizojë vetveten. PD sot ka nevojë të bëjë një akt të madh historik. Ajo duhet të ndahet nga berishizmi siç u nda shoqëria nga enverizmi. Berishizmi sot është enverizmi i demokracisë. Nuk dua të them se ai është burimi i të gjitha të këqijave, nuk dua t’i mohoj betejat, duke mos e mohuar respektin, jam i shtrënguar të them sot se po sulmon trashëgiminë e tij më të mirë, po shkon aq larg sa ta sulmojë. Sali Berishës i shkonte për shtat pritja, duhet ta bënte për mijëra demokratë që e kanë ndjekur për vite. Mbi supet e tij mund të rrinte dhe një akt kaq tronditës sa shpallja non grata. Ai nuk la mundësi që ne të mallëngjeheshim dhe të prekeshim nga nostalgjia. Ai na ndau, bëri si gjithmonë”, deklaroi Gjekmarkaj.

Exit mobile version