Ish-boksierët e famshëm dhe njëherësh vëllezërit ukrainas, Vladimir dhe Vitali Klitschko, të cilët i janë bashkuar ushtrisë ukrainase, kanë deklaruar se të gjithë duhet të marrin armët në duar për të mbrojtur vendin. Ky veprim i Vladimir Klitschko vjen pas atij të vëllait të tij Vitali.
“Përpara se armiqtë tanë të sulmojnë Ukrainën, ata duhet të shohin se ne jemi të fortë, ata duhet të shohin se sa të fortë do të jemi, do të jetë një çmim shumë i dhimbshëm për të gjithë”, tha Vitali Klitschko për CNBC në Kiev të mërkurën.
Ai tha se mbështetja financiare dhe politike, si dhe mbështetja në formën e pajisjeve ushtarake dhe armëve, e bën Ukrainën më të fortë. Ndërsa shtoi se shpreson që diplomatët si në Ukrainë ashtu edhe gjetkë mund ta “ndalojnë këtë agresion. Nëse jo, atëherë duhet të përgatitemi për të marrë armët në duar”, tha ish-boksieri kampion bote. Ndërkaq, vëllai i Vitalit, Vladimir Klitschko, një tjetër ish-boksier tani e cilëson veten si aktivist, tha sot se Perëndimi duhet të jetë i vetëdijshëm për të treguar gatishmëri kur bëhet fjalë për trajtimin e krizave gjeopolitike si armiqësia aktuale midis Ukrainës dhe Rusisë.
I pyetur nëse SHBA-ja po bën mjaftueshëm për të ndihmuar Ukrainën pasi ajo përballet me një konfrontim të mundshëm ushtarak me Rusinë, Vladimir Klitschko tha se “nuk ka kurrë mjaftueshëm”.
“Unë besoj se ndonjëherë Perëndimi tregon dobësi në situata të caktuara dhe se ne duhet të jemi më të bashkuar dhe të mbrojmë njëri-tjetrin dhe të mbrojmë interesat tona, të mbrojmë demokracinë tonë për të cilën kemi luftuar. Besoj se ky unitet do të na japë forcë të madhe” shtoi ai, duke vënë në dukje se duhet të ketë NJË komunikim më të mirë midis aleatëve perëndimorë dhe se një pushtim i mundshëm i Ukrainës “do të ishte një problem për të gjithë.”