Kryeministri Edi Rama u ka përcjell sot shqiptarëve mesazhin e nevojës së distancimit social si një mënyrë për tu ruajtur nga koronavirusi. I pezmatuar ai ka sjellë në një status në rrjetet sociale, shembullin e një djali të ri i cili i prekur nga COVID-19, pa simptoma, ka thyer rregullin duke dale nga Tirana drejt një zone tjetër të vendit, ku jetojnë dy prindërit e tij të moshuar dhe ia ka transmetuar virusin. “U shkon prindërve në shtëpi dhe u transmeton bombat në trup! Prindërit dalin të dy pozitivë dhe jo vetëm mosha, po edhe shëndeti i tyre problematik, i kthen në pacientë me jetën në rrezik!!!” shkruan zoti Rama. “Natyrisht që për djalin do të nisin hetimet dhe ai mund të ndëshkohet jo vetëm administrativisht, po edhe penalisht, por si mund t’u bëhet një “peshqesh” i tillë njerëzve më të dashur në botë?!” shprehet ai.
“A e kuptoni se kjo nuk është lojë?! A e kuptoni se në këtë luftë, kush shkel rregullat nuk ia hedh shtetit, po ia fut vetes dhe familjes së tij?! A e kuptoni se ne jemi potencialisht armiku vrastar i prindërve tanë, nëse nuk respektojmë rregullat, duke u sjellë si karagjozë të papërgjegjshëm me veten, me prindërit, me familjen e me shoqërinë?!” shkruan zoti Rama.
“Lus Zotin që ata dy pleq të mos ikin nga kjo botë e të mos mbeten pishmani i jetës së atij djali të papërgjegjshëm dhe ju lutem të gjithëve: M
STOP ME HILET E ME KARAGJOZLLËQET, SEPSE MUND TË BËHENI MOSOZOT, VRASËS TË NJERËZVE TUAJ MË TË SHTRENJTË
” mbyll kryeministri mesazhin e tij në Facebook.