Temperaturat e ulta të tre ditëve të para të kësaj jave kanë shkaktuar dëme të mëdha në frutikulturë edhe në rrethin e Matit. përgjegjësi i Ekstensionit të Bujqësisë Mat, Dritan Pjeçi, në një intervistë për Mat Televizion tha se pasojat kanë qenë të shumta tek pemët frutore. Sipas tij, më e dëmtuar është lugina e Matit për shkak edhe të lagështisë që ka dhe vetë si zonë gjatë kësaj periudhe. Rënia e temperaturave disa gradë nën zero ka dëmtuar pemët frutore si qershinë, mollën, kombullën, ftoin etj.
Pjeçi tha gjithashtu se janë bërë të gjitha verifikimet në terren duke u evidentuar fermat më të dëmtuara. Megjithatë, sipas tij, deri tani nuk dihen dëmet e sakta pasi kjo do të kostatohet në ditët në vijim me rritjen e temperaturave.