Familjes Arapi, në fshatin Pleshë të Bashkisë Klos, po i rrezikohet banesa nga vepra më e madhe vaditëse në rreth, kanali i Klosit. Kjo pasi uji i këtij kanali, për shkak të amortizimit të tij, rrjedh dhe nga nëntoka hyn në banesë dhe në oboriin e familjes Arapi. Ky problem është shfaqur prej vitesh, por pa gjetur një zgjidhje nga organet kompetente. Kryefamiljari Avni Arapi thotë se prej disa herësh ka informuar, Bashkinë Klos, Prefekturën Dibër, Bordi i Kullimit dhe Ministrinë e Bujqësisë, dhe përgjigja e tyre është se problemi do të verifikohet nga grupet e ekspertëve në terren, gjë që ende nuk ka ndodhur. Në kushtet ku kanali vaditës i Klosit është i amortizuar tej mase dhe prurjet e tij në sezonin e vaditjes janë tejet kapacitetit mbajtës, kryefamiljari Avni Arapi thotë se ai dhe familja e tij ndihen të rrezikuar nga vërshimet e ujit:
Megjithëse miliona lekë janë investuar nga familja Arapi për t’i bërë një mur mbrojtës për vërshimet e kanalit vaditës të Klosit, sërish rreziku është i pranishëm. Ndaj, shprehet Avniu, këtë vit nëse nuk bëhet hidroizolimi i kanalit vaditës, do të ndërmarrë veprime ekstreme, duke shkuar deri në bllokimin e tij.