Problemi kryesor i banorëve të fshatit Suç në Bashkinë e Klosit mbetet sistemimi i ujërave të ndotura. Prej vitesh banorët kanë kërkuar zgjidhje e këtij problemi nga ana e institucioneve vendore, por deri tani asnjë masë nuk është marrë. Prania e ujërave të zeza në sipërfaqe vijon të shqetësojë jo vetëm kalmitarët por të gjithë ata që jetojnë në brendësi të fshatit.
Në mungesë të një sistemi për ujërat e ndotura, ato rrjedhin lirshëm në sipërfaqe. Më problematike situata paraqitet në afërsi të shkollës së mesme të Bashkuar “Haxhi Lata” e cila është rikthyer në funksion të nxënësve që nga muaji Shtator i vitit të kaluar.
Jashtë kameras, banorët e zonës kërkojnë që të ndërhyhet sa më parë në sistemimin e ujërave të ndotura pasi me rritjen e temperaturave, ky do të jetë një problem i shtuar për vetë banorët dhe qindra nxënës që mësojnë në shkollën e mesme të bashkuar të fshatit Suç.
Sistemimi i ujërave të ndotura në fshatin Suç kërkon gjithëpërfshirje, ndërsa mbetet favor arsyeja që banesat janë shumë pranë njëra-tjetrës dhe një sistmim me rrjet do të ishte më i lehtë.