Përplasje të Dhunshme Para Kuvendit: Molotovë, Gaz Lotsjellës dhe Të Lënduar
Protesta e zhvilluar para Kuvendit ka shënuar një përshkallëzim të dhunës, pasi protestuesit kanë nisur të hedhin molotovë drejt godinës dhe forcave të rendit.
Si pasojë e kësaj situate, policia është përgjigjur me gaz lotsjellës për të shpërndarë turmën dhe ka bërë thirrje të vazhdueshme për ndalimin e hedhjes së objekteve.
Gjatë trazirave janë regjistruar disa të lënduar, përfshirë një protestues i cili është transportuar drejt spitalit, si dhe nënkryetari i Partisë Demokratike, Luçiano Boçi, dhe ish-kandidatja e PD-së në Shkodër, Senada Ahmeti. Gjithashtu, forcat e policisë kanë shoqëruar rreth 25 persona.
Një automjet autobot i policisë me ujë është përfshirë nga flakët gjatë zhvillimit të protestës, duke dëshmuar intensitetin e përplasjeve. Tensionet vijuan për disa orë, me hedhje fishekzjarrësh nga ana e protestuesve dhe përdorim të gazit lotsjellës nga ana e policisë.
