Anëtari i Kolegjit të Posaçëm të Apelimit Ardian Hajdari është paraqitur në Prokurorinë e Posaçme, pasi është vënë nën hetim nga SPAK për akuzën e “falsifikimit të dokumenteve”.
Ai është kallëzuar penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.
Në të njëjtin kallëzim ishte edhe emri i ish-anëtarit tjetër të KPA-së, Luan Daci, i cili tashmë është shkarkuar nga detyra, pasi u dënua me vendim të formës së prerë për të njëjtën akuzë, “falsifikim dokumentash”.
Rastet e hetimeve brenda vetë anëtarëve të KPA apo KPK vënë në dyshim vetë procesin e Vetingurt, që është kryer nga këto institucione.
Anëtarët që duhet të bëjnë Vetingun e kolegëve të tyre, janë vetë nën hetim apo në shkelje të ligjit.
